لاہور(کلچرل رپورٹر) فلم و تھیٹر کی معروف اداکارہ سدرہ نور نے کہا ہے کہ چند نام نہاد اداکارائیں بے بنیاد خبروں کے بل بوتے پر تھیٹر کی سپر سٹار بننے کی ناکام کوشش کررہی ہیں۔ ایسی اداکارائوں کی وجہ سے تھیٹر کا ماحول خرا ب ہوا اور تھیٹروں میں لڑائی جھگڑے روز کا معمول بن گئے ہیں ۔انہوںنے مزیدکہا کہ دور حاضر میں کسی نئے فنکار کیلئے نام پیدا کرنا بہت مشکل ہے یہاں وہی کامیاب ہوگا جو اپنے کام سے عشق کی حدتک لگائو پیدا کرے گا۔