سیزن میں میچز کیلئے پرامید ہیں، ایلیکس کاونٹورس

سڈنی (این این آئی)کرکٹ آسٹریلیا سیزن کے دوران میچزکے لیے پرامید ہے، سیزن میں میچز منصوبے کے مطابق ہوں گے۔منیجر اسپورٹس میڈیسن ایلیکس کاونٹورس کے مطابق آسٹریلوی کھلاڑی اگلے ہفتے ٹریننگ کا آغازکریں گے،تاہم ایک دوسرے کا سامان استعمال کرنے کی ممانعت ہوگی۔ایلیکس کائونٹورس نے بتایا کہ میچز کے دوران گیند کو ڈس انفیکٹ کرنے کیلئے تجربہ کیا جائے گا، دیکھا جائے گا کہ ڈس انفیکٹ کرنے کے گیند پر کیا اثرات پڑتے ہیں۔منیجر اسپورٹس میڈیسن نے کہا کہ کھلاڑیوں کوحفاظتی گائیڈ لائنز کے بارے میں آگاہ کرنا اہم ہے۔انہوںنے کہاکہ سالہا سال کی روایات اورقانون میں تبدیلی اتنا آسان کام نہیں ہوگا۔