کراچی (اسپورٹس رپورٹر)قومی ٹیم کے سابق کپتان محمد حفیظ کیریبئن پریمِیئر لیگ (سی پی ایل)میں گیانا ایمازون واریئرز کی نمائندگی کریں گے۔ کیریبئن پریمِیئر لیگ 28 اگست کو شروع ہوگا، نئے سیزن کیلیے ان کا فرنچاِئز سے معاہدہ طے پا گیا ہے، 40 سالہ حفیظ اس سے قبل 2014 میں گیانا کی نمائندگی کرچکے ہیں جب کہ وہ 2017 اور 2019 میں سینٹ کٹس اینڈ نیوس پیٹریاٹس کے لئے کھیل چکے ہیں ۔یاد رہے کہ گیانا ایمازون واریئرز نے شعیب ملک کی قیادت میں 2 بار کیریبئن پریمیئر لیگ کا ٹائٹل جیتا ہوا ہے۔ واضح رہے کہ سی پی ایل 2021 اگست اور ستمبر میں سینٹ کٹس اینڈ نیوس میں ہوگا۔ ٹورنامنٹ 28 اگست کو شروع ہونا ہے اور یہ مجموعی طور پر 33 میچوں پر مشتمل ہوگا۔