سعودی عرب میں84ہزار گلابوں  سے سجا گل دستہ گینز بک میں شامل

ریاض (این این آئی)سعودی عرب کے شہر طائف میں گلاب کے پھولوں سے سجایا دنیا کا سب سے بڑا گلدستہ گینز بک آف ورلڈ ریکارڈ میں شامل کیا گیا ہے۔ 
طائف کے گلابوں کی اس ٹوکری نے سنہ 2018 کے ایسے ہی ایک گل دستے کا ریکارڈ توڑ کرنیا ریکارڈ قائم کیا ہے۔میڈیارپورٹس کے مطابق طائف گلاب کی یہ ٹوکری 12.129 میٹر لمبی، 7.98 میٹر چوڑی اور 1.297 میٹر اونچی تھی جب کہ سنگاپور کی ٹوکری کی لمبائی 9.47 میٹر، چوڑائی 6 میٹر چوڑی اوراونچائی 1.2 میٹر تھیں۔یہ ریکارڈ طائف روز فیسٹیول کے دوسرے سیشن کے موقعے پر کیا گیا۔