میلسی،کرم پور ( تحصیل رپورٹر،نامہ نگار)سوئی گیس،بجلی کی غیر اعلانیہ طویل لوڈشیڈنگ، شہری عاجز آگئے ۔میلسی سے تحصیل رپورٹر کے مطابق نادرن سوئی گیس کی بلاجواز اور طویل ترین لوڈ شیڈنگ بارے صارفین کا کہنا ہے کہ سردیوں میں تو سوئی گیس کی لوڈشیڈنگ کا جواز بنتا ہے لیکن گرمیوں میں پہلی مرتبہ لوڈ شیڈنگ کی جارہی ہے جو پریشانی کا باعث بنی ہوئی ہے  ۔کرم پور سے نامہ نگار کے مطاق روزانہ 15گھنٹے بجلی بند کی جارہی ہے۔ گھروں میں پانی کی قلت کا سامنا ہے۔ کاروبار زندگی ٹھپ ہو کر رہے گیا ہے۔ فصلیں ٹیوب ویل نہ چلنے کی وجہ خراب ہو رہی ہیں۔ شہریوں نے احتجاج کرتے ہوئے حکام سے نوٹس لینے کا مطالبہ کیا ہے۔