اسلام آباد (خبرنگار) قومی ادارہ برائے صحت کے مطابق گذشتہ 24 گھنٹوں کے دوران ملک بھر میں 13 ہزار861 کرونا ٹیسٹ کیے گئے جن میں سے 81افراد کا کرونا ٹیسٹ مثبت آیا۔ اس طرح گزشتہ 24 گھنٹوں میں کیے گئے مثبت کرونا ٹیسٹ کی شرح 0.58فیصد رہی اور کوئی مریض کرونا وائرس کی وجہ سے جاں بحق نہیں ہوا۔ جبکہ قومی ادارہ برائے صحت کے مطابق  75مریضوں کی حالت تشویشناک ہے۔انگلینڈ کا دورہ کرنے والی نیوزی لینڈ کرکٹ ٹیم کے تین ارکان کرونا وائرس کا شکار ہوگئے۔ نیوزی لینڈ کرکٹ کے مطابق برائٹن میں پہلے ٹور میچ سے قبل تین ارکان کا کرونا وائرس ٹیسٹ مثبت آیا۔ ترجمان نیوزی لینڈ کرکٹ نے بتایا کہ ہنری نکلز، بلئیر ٹکنر اور باولنگ کوچ چین جرگسن کا کرونا وائرس ٹیسٹ مثبت آیا ہے۔ تینوں ارکان اب پانچ روز کی ہوٹل آئسولیشن مکمل کریں گے جبکہ سکواڈ کے باقی ارکان کے ٹیسٹ منفی آئے ہیں۔