لاڑکانہ(بیورورپورٹ) لاڑکانہ پولیس نے جرائم پیشہ افراد کے خلاف کاروائیاں کرتے ہوئے 6 ملزمان کو گرفتار کرکے اسلحہ برآمد کرلیا ہے، تفصیلات کے مطابق باقرانی پولیس نے دہرے قتل مقدمے میں ملوث ملزم ایاز انڑ کو پسٹل اور گولیوں سمیت، رتوڈیرو پولیس نے دو روپوش ملزمان غوث بخش چنہ اور خالد چنہ کو، دھامراہ پولیس نے اشتہاری ملزم نادر ویسر کو، تعلقہ پولیس نے ضلع قمبر شہدادکوٹ کے تھانہ ڈرگھ کے روپوش ملزم محمود بھٹی کو اور ماہوٹہ پولیس نے واجد میرانی قتل میں ملوث ملزم شاہنواز میربحر کو پسٹل سمیت گرفتار کرلیا ہے، پولیس کے مطابق گرفتار ملزمان کے خلاف ایسے مقدمات درج کرکے تفتیش شروع کردی گئی ہے۔