30 سے زائد ڈکیتیاں‘ کئی فیملیاں لٹ گئیں، گاڑیاں، موٹر سائیکل چھین لئے

لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے گارڈن ٹاؤن میں عامر کے گھر  5 لاکھ 74 ہزار، طلائی زیورات، موبائل فون اور دیگر سامان، مناواں میں اختر کی فیملی سے  4 لاکھ  اور طلائی زیورات، رائیونڈ سٹی  میں جمیل اور اس کی فیملی سے ساڑھے 3 لاکھ، زیورات اور موبائل فون، مسلم ٹاؤن میں ریاض سے 2 لاکھ اور موبائل فون، گلشن راوی میں عابد سے ڈیڑھ لاکھ روپے اور موبائل فون، سندر میں بشیر سے 83 ہزار اور موبائل فون، گرین ٹاؤن بدر سے 25ہزار اور موبائل فون، سبزہ زار میں نعمان سے 19 ہزار اور موبائل فون، اقبال ٹاؤن میں دانش سے 13ہزار اور موبائل فون، لاری اڈہ میں شکیل سے 9 ہزار اور موبائل فون، شاہدرہ میں واجد سے 4, ہزار اور موبائل فون، شاہدرہ ٹاؤن میں تنویر سے 3 ہزار اور موبائل فون چھین لیا۔چوہنگ، ماڈل ٹاؤن اور ریس کورس سے 3 گاڑیاں، مصری شاہ میں سے رکشہ جبکہ مناواں، مصطفی ٹاؤن، ہنجروال، لیاقت آباد، رائیونڈ اور قلعہ گجر سنگھ سے 6موٹر سائیکلیں چوری ہو گئیں۔