گوجرانوالہ (نمائندہ خصوصی)ایڈیشنل انسپکٹر جنرل پولیس پنجاب ہائی وے پٹرول پنجاب رائو عبدالکریم نے گوجرانوالہ ریجن کا دورہ کیا، ایس ایس پی پٹرولنگ ریجن توصیف حیدر اور دیگر سینئر افسران نے استقبال کیا ،پٹرولنگ پولیس کے چاک و چوبند دستے نے سلامی دی، یاد گار شہدا پر پھولوں کی چادر چڑھائی اور شہدا کے درجات کی بلندی کے لیے دعا کی، پٹرولنگ پولیس دربار میں افسران و جوانوں سے خطاب میں انہوں نے کہا کہ ہائی ویز پر منظم جرائم کے خاتمہ کے لیے جدید ٹیکنالوجی کے موثر استعمال سمیت تمام وسائل بروئے کار لاکر ٹھوس اقدامات اٹھائے جائیں، کرپشن کسی صورت برداشت نہیں کی جائے گی، پٹرولنگ پولیس کا امیج خراب کرنے والوں کو محکمے سے نکال باہر کیا جائے گا۔