لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ڈاکوؤں نے جوہر ٹاؤن میں قدیرکے گھر گھس کر اہلخانہ کو گن پوائنٹ پر یرغمال بنا کر 6لاکھ 12ہزار ‘ زیورات، موبائل فون دیگر سامان،گلشن راوی میں فاروق کی فیملی سے 4 لاکھ ‘زیورات ‘ موبائل فون دیگر سامان،سندر میں عمر،بادامی باغ میں وقار، غازی آباد میں شہزاد، ٹاؤن شپ میں عادل،ہربنس پورہ میں معاذ جبکہ شادباغ میں راحیل سے ہزاروں روپے ‘موبائل فون لوٹ لئے ۔چوروں نے ڈیفنس میں تبریزکے گھر سے 5لاکھ 80ہزار‘ زیورات دیگر سامان چوری کر لیا۔ چوروں نے گلبرگ، گارڈن ٹاؤن، شادمان،ملت پارک اور شاہدرہ سے 5 کاریں، کاہنہ سے رکشہ جبکہ اسلام پورہ، لوئرمال، شفیق آباد، مصری شاہ، باغبانپورہ، برکی، ریس کورس، مزنگ، ہنجروال، لیاقت آباد اور رائیونڈ کے علاقوں سے 12 سے موٹرسائیکلیں چوری کر لی۔