گوجرانوالہ (نمائندہ خصوصی ) پولیس نے پانچ قتلوں میں ملوث اجرتی قاتل کو گرفتار کر لیا، درندہ صفت اشتہاری ملزم نے تین تھانوں کی حدود میں قتل کئے تھے۔تفصیلات کے مطابق سٹی پولیس آفیسرمحمد ایاز سلیم کے خصوصی ٹاسک پر ایس پولیس ٹیموں نے مشترکہ کاروائیاں کرکے پانچ قتلوں میں ملوث درندہ صفت اجرتی قاتل شاہنواز عرف شاہو چیمہ کو گرفتار کر لیا۔ اشتہاری شاہنواز نے دیگر ملزمان کے ساتھ مل کر عرفان اور عثمان کو تھانہ صدر کے علاقہ میں قتل کیا بعد ازاں تھانہ فیروزوالہ کے علاقہ میں عائشہ اور رانی نامی عورتوں کو اور ڈسکہ میں رمشا منیر کو قتل کر کے فرار ہو گیاتھا۔ملزم کے دیگر ساتھی پہلے ہی گرفتار ہوچکے ہیں۔