کراچی کے مختلف علاقوں میں پولیس اوررینجرزنے کارروائی کرتے ہوئےانیس مشتبہ افراد کوحراست میں لے کراسلحہ برآمد کرلیا

پولیس کے مطابق لیاقت آباد کے علاقے میں مقامی ہوٹل اورعرشی چوک کے قریب رینجرز نے ٹارگٹڈ کارروائی کرتے ہوئے تین مشتبہ افراد کوحراست میں لے کرانکے قبضے سے اسلحہ برآمد کرلیا، ملزمان کو پوچھ گچھ کے لیے نامعلوم مقام پرمنتقل کردیا گیا ہے۔ دوسری جانب ایسٹ زون پولیس نے چوبیس گھنٹوں کے دوران مختلف علاقوں میں چھاپے مارے اورسولہ ملزمان کوحراست میں لے لیا، ڈی آئی جی ایسٹ شاہد حیات کے مطابق گرفتارملزمان میں تین مفرورملزم بھی شامل ہیں، ملزموں کے قبضے سے چار پستول، منشیات اور لوٹی ہوئی رقم برآمد کرلی گئی ہیں۔