محکمہ موسمیات کا کہنا ہے کہ پنجاب کے چند میدانی علاقوں اورسکھرڈویژن میں رات اورصبح کے وقت دھند چھائی رہے گی۔ تاہم بارش کا کوئی امکان نہیں ہے۔ محکمہ موسمیات کے مطابق آج ملک میں سب سے کم درجہ حرارت استور اور گوپس میں منفی دو ڈگری سینٹی گریڈ ریکارڈ کیا گیا۔ اس کے علاوہ ملتان تیرہ، لاہور بارہ، مظفرآباد اور اسلام آباد میں چھ، پشاورسات، مری میں پانچ، کوئٹہ منفی ایک، کراچی اورحیدرآباد میں پندرہ، ڈگری سینٹی گریڈ ریکارڈ کیا گیا ہے۔