ندیم بیگ کی فلم ”میں پنجاب نہیں جاﺅں گی“ میں ثمینہ پیرزادہ‘ صبا حمید کو کاسٹ کر لیا گیا

لاہور (کلچرل رپورٹر) ہدایتکار ندیم بیگ نے زیرتکمیل فلم ”میں پنجاب نہیں جاﺅں گی“ میں سنیئر اداکاراﺅں ثمینہ پیرزادہ اور صبا حمید کو اہم کرداروں میں سائن کرلیا ہے جس کے دیگر فنکاروں میں ہمایوں سعید، مہوش حیات، عروہ حسین، احمد علی بٹ شامل ہیں ۔ اس فلم کے پروڈیوسر ہمایوں سعید اور رائٹر خلیل الرحمان قمر ہیں۔ اداکارہ صبا حمید اور ثمینہ پیرزادہ کی ایک ساتھ پہلی فلم ہے حالانکہ اس سے قبل وہ متعدد ڈرامہ سیریلز میں اکٹھی کام کرچکی ہیں۔ اداکارہ صبا حمید کی کیرئیر کی یہ پانچویں فلم ہے۔