شاہ جمال اور لڈن سے تین لڑکیاں اغواء

شاہ جمال، لڈن (نامہ نگار) بستی ملا نوالی چوک مکول موضع اتراء سندیلہ کے رہائشی اللہ بخش نے بتایا کہ اس کی بہو آ سیہ بی بی،شادی شدہ بیٹی کنیز مائی اور 18سالہ کنواری بیٹی رضیہ بی بی ذاتی رقبہ سے گھاس کاٹ رہیں تھیں کہ فیاض،الطاف،محمد یوسف سکنہ مانک پور آ گئے اور رضیہ کو اغوا کر کے لے گئے ۔ دوسرے واقعہ میں چبھک پور کے رہائشی اعجاز حسین نے بتایا کہ وہ گھر میں موجود نہ تھے گھر میں موجود اکیلی لڑکی 16سالہ شازیہ بی بی کو حاجی احمد،محمد ابراہیم،مسماۃ روبینہ نے دو نامعلوم افراد کے ہمراہ اغوا کر لیا ۔ دو تولہ طلائی زیورات،ایک لاکھ دس ہزار کی نقدی اور چالیس ہزار کے پارچات بھی لے گئے مقدمات درج کر لئے گئے۔دریں اثناء لڈن (نامہ نگار) لڈن کے رہائشی محمد اکرم کھوکھر نے تھانہ لڈن میں درخواست دی کہ میں اپنے اہلخانہ کے ہمراہ اپنے رشتہ داروں کو ملنے گیا ہوا تھا کہ پیچھے میری اٹھارہ سالہ بیٹی سدرہ گھر میں اکیلی تھی کہ محمد آصف ،عبد الحکیم ،رضوان ،عطاء الٰہی اور ثمینہ بی بی کو کا ر میں ڈال کر لے گئے ۔ وجہ عناد یہ ہے کہ ملزمان نے میری بیٹی کا رشتہ مانگا تھا میرے انکار پر انہوں نے میری بیٹی کو اغواء کر لیا ۔ تھانہ لڈن پولیس نے مقدمہ درج کر لیاہے ۔