لاہور (پ ر) بک رائٹرز کلب کے زیراہتمام بین الاقوامی شہرت یافتہ شاعر فیض احمد فیض کی 34ویں برسی کے موقع پر ایک تقریب منعقد کی گئی۔ صدارت بک رائٹرز کلب کے چیئرمین رانا عبدالرحمن نے کی۔ تقریب میں ادیبوں، دانشوروں، صحافیوں اور پبلشروں نے شرکت کی۔ نظامت کے فرائض بک رائٹرز کلب کے سیکرٹری جنرل ایم سرور نے سرانجام دئیے۔ تقریب سے خالد یزدانی، کامریڈ زوار حسین، عاطف رحمان، شاہد رائو، میم سین بٹ، شہزاد فراموش، نوید پشکن، ایم سرور، سید نوید عباس ایڈووکیٹ، محمد انور اور رانا عبدالرحمن نے خطاب کیا۔