تاندلیانوالہ (نامہ نگار) ڈرائیورکو نیند آ گئی۔ کیری ڈبہ درخت سے ٹکرایا گیا‘حادثہ میں دو خواتین سمیت 3 افراد جاں بحق5 افراد زخمی ہوگئے‘ زخمیوں کو تحصیل تاندلیانوالہ ٹی ایچ کیو ہسپتال داخل کرایا دیا۔ ساہیوال کے چکی 78/5B کے رہائشی شمیر احمد اپنی اہلیہ خورشید بی بی بیٹے سجاد احد اور دیگر رشتے داروں کے ہمراہ ایک فوتیگی میں شرکت کے بعد کیری ڈبہ میں جڑانوالہ سے واپس جا رہے تھے تھانہ باہلک کے قریب اوکاڑہ روڈ پر کیری ڈبہ کے ڈرائیور عباد علی کو نیند آ گئی۔ ڈرائیور عباد علی‘ خورشید بی بی اور صوبیہ نے موقع پر دم توڑ دیا جبکہ زخمی ہونے والوں میں شمیر احمد ‘ شاہدہ‘ عارف‘ نادیہ بی بی‘ سجاد احمد شامل ہیں۔