سادھو کے:  درجنوں مقدمات میں مطلوب ڈاکو پولیس مقابلہ میں ہلاک‘ ساتھی فرار

 سادھوکے (نامہ نگار) درجنوں مقدمات میں مطلوب ڈاکو پولیس مقابلہ میں ہلاک باقی دو  ساتھی فرار ہوگئے۔ بتایا گیاہے کہ گزشتہ رات نہر کنگر والی پل پر تین مسلح ڈاکو ناکہ لگا کر راہگیروں کو لوٹنے میں مصروف تھے کہ اطلاع ملنے پر صدر پولیس موقع پر پہنچی تو پولیس کو دیکھتے ہی ڈاکوؤں نے فائرنگ شروع کردی جس پر پولیس نے بھی جوابی فائرنگ کی جس سے ایک ڈاکو جس کی شناخت طاہر منظور سکنہ کوٹ عبدالمالک کے نام سے ہوئی ہے موقع پر ہلاک ہوگیا جبکہ وقوعہ کے دوران باقی ڈاکو فرار ہونے میں کامیاب ہوگئے۔ ملزم طاہر کیخلاف ضلع شیخوپورہ کے مختلف تھانوں میں درجنوں مقدمات درج ہیں۔