وہاڑی (خبر نگار)حکومت پنجاب کی ہدایت پر ہفتہ شان رحمت اللعالمین ؐ کے سلسلہ میں گورنمنٹ ماڈل ہائر سیکنڈری سکول وہاڑی میں سیرت النبی ؐ پر تقاریر و محفل نعت کا انعقاد کیا گیا۔ ڈپٹی کمشنر کیپٹن (ر) وقاص رشید نے کہاکہ ہفتہ شان رحمت اللعالمین ؐمنانے کا مقصد نبی اکرم ؐ سے محبت و عقیدت کا اظہا ر کرنا ہے فرانس کی طرف سے بنائے جانیوالے گستاخا نہ خاکے‘ مذہبی دہشت گرد ہیں‘ ہم نبی اکرم ؐ سے عقیدت اور محبت کی خاطر جان کا نذرانہ پیش کرنے سے دریغ نہیں کریں گے۔ ہفتہ شان رحمت اللعالمین ؐ منانے کے حوالے سے تمام تعلیمی اداروں میں قرآت، محفل نعت اورکوئزکے مقابلوں کا انعقاد کیا جارہا ہے۔