کراچی( نیوز ڈیسک) سینئر صحافی عبد الرحمن کی صاحبزادی لائبہ رحمن نے ایف ایس سی پری میڈیکل میں95 فیصدمارکس کے ساتھA-ONE گریڈ کا اعزاز حاصل کرکے بحریہ کالجNORE-1 میں نمایاں پوزیشن حاصل کی ہے انہوں نے اعلیٰ ثانوی تعلیمی بورڈکراچی کے سالانہ امتحانات برائے سال2020-21 میں رول نمبر908450 کے ساتھ شرکت کرکے 1100 میں سے 1043 نمبر حاصل کئے ہیں بحریہ کالج کے پرنسپل‘ وائس پرنسپل‘ اساتذہ کرام اور ساتھی طالبات نے اس نمایاں کامیابی پر لائبہ کو مبارکباد اور روشن مستقبل کی دعائیں کی ہیں۔ لائبہ رحمن نے اپنی کامیابی کو اللہ تعالیٰ کافضل و کرم‘ والدین  اور اساتذہ کی کاوشوں اور دعائوں کا نتیجہ قرار دیتے ہوئے کہا کہ میں آئندہ بھی انشاء اللہ اسی طرح محنت کرونگی اورڈاکٹر بن کر قوم اور انسانیت کی خدمت کرونگی۔لائبہ نے مبارکباد دینے والے تمام کرم فرمائوں کا شکریہ بھی اداکیا ہے۔