کراچی(پی پی آئی) قومی کرکٹ ٹیم کے کپتان بابر اعظم نے جنوبی افریقہ کے کرکٹر اے بی ڈی ویلیئرز کی انٹرنیشنل کرکٹ سے ریٹائرمنٹ کے اعلان کی خبر سن کر ان سے ہونے والی پہلی ملاقات کی تصویر شیئر کر دی۔بابر اعظم نے فوٹو اینڈ ویڈیو شیئرنگ ایپ انسٹاگرام پر اے بی ڈی ویلیئرز کے ساتھ اپنی ایک یاد گار تصویر شیئر کی ہے۔انہوں نے یہ تصویر شیئر کرتے ہوئے لکھا کہ ڈی ویلیئرز بچپن سے ہی ان کے لیے مثال تھے اور انہوں نے ہمیشہ ڈی ویلیئرز کے انداز سے سیکھنے کی کوشش کی۔انہوں نے اے بی ڈی ویلیئرز کے ساتھ ہونے والی اپنی پہلی ملاقات کو یاد کرتے ہوئے لکھا کہ انہیں اب بھی یاد ہے کہ ڈی ویلیئرز ان سے پہلی بار کس طرح خوشی سے ملے تھے۔انہوں نے لکھا کہ ڈی ویلیئرز نے کرکٹ کی کئی نسلوں کو متاثر کیا ہے۔آخر میں بابراعظم نے ڈی ویلیئرز کیلیے اپنی نیک خواہشات کا اظہار بھی کیا۔
بابراعظم ،ڈی ویلیئرز