میلسی، کرم پور، کوٹ ادو(تحصیل رپورٹر،نامہ نگار، خبر نگار) ڈاکوئوں کی لوٹ مار، شہری پرتشدد، لاکھوں کا مال چھین کر فرار۔ میلسی سے تحصیل رپورٹرکے مطابق کرم پور کا محمد اقبال عاصم دھلو سسرال سے ملنے جارہا تھا کہ بورانہ قبرستان کے قریب 4 مسلح ڈاکوؤں نے اس سے گن پوائنٹ پر موٹر سائیکل  نمبروی آر ایل3397 چھین لیا اور فرار ہو گئے پہچان لیے جانے پر مبینہ ملزمان قاضی کالڑہ کے محمد زاہد سمیت 4 افراد کے خلاف ڈکیتی کا مقدمہ درج کر لیا گیا۔میلسی سے نامہ نگار کے مطابق ریاض آباد کے عادل حسین کے مطابق اس کا بھائی کار پر سوار جیسے ہی شیر گڑھ روڈ پلی نزد دین پورہ پہنچا توماڈل سٹی کا محمد اقبال دو ساتھیوں کے ہمراہ موٹر سائیکل پر سوار ہو کر کارکے سامنے آگیا حملہ آوروں نے کار کے شیشے توڑے اور اسے باہر نکال کر تشدد کا نشانہ بنایا اس کے پاس موجود 3 لاکھ 42 ہزار روپیاے ٹی ایم کارڈ، شناختی کارڈ، ڈرائیونگ لائسنساور بیمہ کا غذات  لوٹ کر فرار ہوگئے پولیس نے مقدمہ درج کر لیا۔کرم پور سے نامہ نگار  کے مطابق تھانہ کرم پور کی حدود میں اڈا ہری چند پر المکہ میڈیکل سٹو ر پر 3نامعلوم ڈاکو موٹر سائیکل پر آئے اور دوائی لینے کے بہانے باتوں پر لگا لیا اور اچانک میڈیکل سٹور کے عملے پر گن تان لی اور دراز سے ایک لاکھ روپے اور 3موبائل چھین کر فرار ہوگئے  جس پر تھانہ کرم پور کی پولیس موقع پر پہنچ گئی ۔کوٹ ادوسیخبر نگار کے مطابق  تھانہ سٹی کوٹ ادو کے علاقہ وارڈ نمبر 10 کی رہائشی بی کام کا طالب علم ابوہریرہ پرہاڑ گزشتہ روز وارڈ نمبر 11 اپنے دوست محمد ریحان قریشی کو ملنے گیا اور اپنی موٹر سائیکل بیٹھک  کے سامنے گلی میں کھڑی کردی جسے نامعلوم اٹھا کر لے گئے۔
 لوٹ مار