فلسطینی مجاہدوں  نے اسرائیلی کمانڈوز   کو   محاصرے میں لے لیا 

  غزہ (آئی این پی ) فلسطینی مزاحمتی تنظیم عرین الاسود نے اعلان کیا ہے کہ نابلس شہر کے قدیمی حصے میں  اسرائیلی فوج کے اسپیشل سروسز کمانڈوز ان کے محاصرے میں آ گئے ہیں۔فلسطینی ذرائع ابلاغ کے مطابق فلسطینی مقاومتی گروہ عرین الاسود نے اعلان کیا ہے کہ   اسرائیلی کمانڈوز کا ایک گروہ نابلس شہر کے قدیمی حصے میں ان کے نرغے میں پھنس گیا ہے جس پر مختلف اطراف سے حملے کئے جا رہے ہیں اور دستی ہینڈگرنیڈ پھینکے جا رہے ہیں، جب کہ اتوار کی  صبح     اسرائیلی  فوج نے فلسطینی جوانوں کی ایک گاڑی پر بیت الحم میں فائرنگ کر دی جس سے ایک جوان زخمی جب کہ تین کو گرفتار کر لیا گیا۔