لا ہور(کلچرل رپورٹر)اداکارہ ماریہ واسطی نے کہا ہے کہ مشکل کردار میری پہلی ترجیح ہوتی ہے کیونکہ کسی اداکار کی صلاحیتیں اس وقت کھل کر سامنے آتی ہیں جب اسے مشکل کردار دیا جاتا ہے۔میری خوش قسمتی رہی کہ میں نے اپنے فنی کیریئر کا آغاز پی ٹی وی لاہور سینٹر سے کیا جہاں بڑے ناموں کیساتھ کام کرنے کا موقع ملا اور ان لوگوں نے ہی میری صلاحیتوں کو اجاگر کیا۔ ٹیلی فلم کلو،ڈرامہ سیریل ملکہ عالیہ اور کلموئی جیسے ڈراموں نے مجھے ملک گیر شہرت دی اور ان سب ڈراموں میں مجھے چیلنجنگ کردار ادا کرنے پڑے جو میں نے بخوبی ادا کیے۔ کامیابیوں کے تسلسل کو برقرار رکھنا بہت مشکل کام ہے۔
،پرستار آپ کو جس جگہ دیکھ چکے ہوتے ہیں دوبارہ اس سے اوپر دیکھنا پسند کرتے ہیں۔ اور میری کوشش ہوتی ہے کہ میں اپنے پرستاروں کے معیار پر پورا اتروں۔ کرداروں کے انتخاب میں ہمیشہ دلچسپی لیتی ہوں اور جب بھی کوئی کردار کا انتخاب کرتی ہوں تو اس میں پوری محنت سے کام کرتی ہوں ۔
