لاہور(سپورٹس رپورٹر)فیفا ورلڈ کپ کے موقع پر سٹار فٹبالر کرسٹیانو رونالڈو نے امریکا کے شہر نیویارک کے شہرہ آفاق ٹائمز سکوائر پر اپنے نئے مومی مجسمے کو لوگوں کے ساتھ شیئر کیا ہے۔ رونالڈو نے سوشل میڈیا اکائونٹ پر اپنے نئے مومی مجسمے کی ویڈیو شیئر کی ہے جو مشہور مادام تسائو میوزیم میں رکھا گیا ہے۔ٹائمز سکوائر پر ڈیجیٹل سکرینوں کی شکل میں نصب بل بورڈز پر کرسٹیانو رونالڈو کا نام اور جھلک دیکھتے ہی مداحوں کی بڑی تعداد جمع ہو ئی اور انہوں نے فوراً ہی ویڈیو ریکارڈ کرنے کیلئے اپنے موبائل فونز بھی نکال لیے۔سٹار فٹبالر نے لوگوں کی توجہ حاصل کرنے کیلئے بہت ہی دلچسپ انداز اپنایا۔