پڈعیدن، سینکڑوںسیلاب متاثرین میں راشن، ٹینٹ اور کمبل تقسیم 

پڈعیدن( نامہ نگار) پاکستان پیپلزپارٹی کے ڈیویژنل صدر ضیاءالحسن لنجار ضلعی صدر فیروز احمد جمالی،ایم۔پی اے ممتاز علی چانڈیو اور پیپلز پارٹی کے۔MNA ذوالفقار علی بیھن کی جانب سے دئیے گئے سینکڑوں بیگز راشن۔ٹینٹ۔کمبل۔ خیمے ودیگر اشیاء پڈعیدن وارڈ نمبر 8 کے PPP کونسلر وپیپلز یوتھ کے ضلعی صدر غضنفر علی راجپر۔ وارڈ نمبر 10 کے پی پی کونسلر محمد شکیل آرائیں۔ پی پی پی کے سابق کونسلرچوہدری شبیر حسین آرائیں۔ شہری اتحاد کے رہنما جمیل احمد آرائیں۔ خادم راجپر۔ عباس پلھ اور نثار پلھ نے پڈعیدن وارڈ نمبر 8 سمیت متعدد وارڈوں کے سینکڑوں بارش وسیلاب مستحقین میں راشن۔ ٹینٹ اور سردی سے بچاو کےلئے گرم کمبل تقسیم کئے۔ اس موقع پر پی پی یوتھ کے ضلعی صدر غضنفر راجپر۔PPP کونسلر محمد شکیل آرائیں اور PPP رہنما سابق کونسلر چوہدری شبیر حسین آرائیں نے کہاکہ پیپلز پارٹی کی قیادت نے ہمیشہ عوام کی خدمت کی ہے اور عوامی خدمت پر یقین رکھتی ہے۔ تین ماہ سے مسلسل سندھ کے کونے کونے میں سیلاب بارش متاثرین میں راشن سمیت دیگر سامان تقسیم کیاجارہا ہے جب تک متاثرین اپنے پاوں پر کھڑے نہیں ہوجاتے انکی مدد جاری رکھیں گے.