جہانیاں(نامہ نگار) جہانیاں ٹائیگرز کرکٹ کلب کے سالانہ ایوارڈز ڈنر  اور کٹ ڈسٹری بیوشن کی تقریب گزشتہ رات پرویز الہیٰ کرکٹ اسٹیڈیم جہانیاں میں منعقد ہوئی۔ اور عمران نذیر انٹرنیشنل کرکٹ اکیڈمی کا افتتاح مہمان خصوصی عوامی لیڈر مشیر وزیر اعلی چوہدری خالد جاوید آرائیں نے کیا۔ان کے ہمراہ ڈسٹرکٹ خانیوال کرکٹ ایسوسی ایشن کے سابق عہدے داران ملک ظہور احمد ،آصف شاہ،رانا فاروق احمد،جبکہ خانیوال کے مشہور کرکٹ آرگنائزرز اویس جٹ،مرزا افضل بیگ،آصف سیہول،عاشق ڈوگر،رانا جاوید اکرم،مرزا عمران اسلم،شیخ عبدالرحمان حامدی اور دیگر موجود تھے۔اس موقع پر جہانیاں ٹائیگرز کرکٹ کلب اور شاہین کرکٹ کلب قطب پور کے مابین ٹی ٹونٹی میچ کھیلا گیا جو کی جہانیاں ٹائیگرز نے سنسنی خیز مقابلے کے بعد جیت لیا۔مین آف دی میچ رانا نعیم انور قرار پاے۔چوہدری خالد جاوید آرائیں نے کہا کہ جہانیاں میں بین الاقوامی معیار کی کرکٹ مہیا پر جہانیاں ٹائیگرز کرکٹ کلب اور کوچ رانا خالد حسن مبارک باد کے مستحق ہیں۔پرویز الٰہی اسٹیڈیم کو اپ گریڈ کیا جاے گا۔ ڈسٹرکٹ کرکٹ ایسوسی ایشن کے سابق سیکرٹری اور ٹیسٹ کرکٹر شبیر احمد کے بھائی رانا فاروق نے کہا کہ عمران نذیر انٹرنیشنل کرکٹ اکیڈمی جنوبی پنجاب کی بہترین اکیڈمی ثابت ہوگی۔