گوجرانوالہ (نمائندہ خصوصی ) چوری کی واردات سے متعلق معروف اداکارہ کے سوشل میڈیا پر ایک ٹویٹ نے پو لیس کومتاثرین کے گھر جانے پر مجبور کر دیا ، تفصیلات کے مطابق محبوب ہمایوں سیالکوٹ بائپاس پر واقع پرائیویٹ سکو ل کا مالک ہے جس نے سکول کے احاطہ میں رہائش بھی رکھی ہوئی ہے ،گزشتہ رات چور انکے گھر کا دروازہ توڑ کر وہاں سے دس لاکھ روپے مالیت کے طلائی زیورات ، پانچ ہزار روپے ، موبائل؛ فونز ،کپڑے اور دیگر سامان چرا کر لے گئے اس حوالے سے محبوب ہمایوں کی جانب سے درخواست موصول ہونے پر اروپ پو لیس نے مقدمہ درج کر لیا ، جبکہ اس چوری کی واردات سے متعلق معروف اداکارہ رابی پیرزادہ نے سوشل میڈیا پر ٹویٹ اور پو لیس سے مدد کی اپیل کا پوسٹر پکڑ کر تصویر وائرل کی تو معروف اداکارہ کی اس پوسٹ کے بعد پو لیس متاثرین کے گھر بھی پہنچ گئی۔