خاکسار تحریک کے زیر اہتمام پاک فوج زندہ با د ریلی نکالی گئی 

گوجرانوالہ (نمائندہ خصوصی )خاکسار تحریک کے ڈویژنل سالار میاں منصور خاکی نے کہا ہے کہ پاک فوج اور عوام کے درمیان خلیج پیدا کرنے والوں کو کبھی کامیابی نہیں ملے گی،پاکستان کی نظریاتی اورجغرافیائی سرحدوں کی حفاظت کرنے والے ہمارے فوجی ہمارے سر کا تاج ہیں ہم کل بھی پاک افواج کے ساتھ تھے آج بھی ہیں اور تا قیامت اپنی عسکری قوتوں کے دست و بازو رہیں گے ان خیالات کا اظہار انہوں نے خاکسار تحریک کے زیر اہتمام پاک فوج زندہ با د ریلی سے خطاب کرتے ہوئے کیا ،ریلی شیرانولہ باغ سے شروع ہوکر گوندلانوالہ اڈہ پر اختتام پزیر ہوئی، ریلی کے شرکاء نے افواج پاکستان سے اظہا ر یکجہتی بارے بینرز اور کتبے اٹھا رکھے تھے۔