غزہ ملین مارچ، شہریوں کی بھرپور شرکت نے تاریخ رقم کی ‘ ضیاءالدین انصاری

لاہور ( خصوصی نامہ نگار )امیرجماعت اسلامی لاہور ضیاءالدین انصاری ایڈوکیٹ نے کہا ہے کہ غزہ میں اسرائیل کی وحشیانہ بمباری بدترین دہشتگردی ہے جس کے خلاف غزہ ملین مارچ میں اہل لاہور نے بھر پور شرکت کرکے پاکستان میں ایک نئی تاریخ رقم کی ہے جس پر غزہ مارچ میں لاکھوں شرکت کرنےو الے تمام مرد وخواتین اور بچوں کو خراج تحسین پیش کرتے ہیں۔ مارچ کے ناظم اعلی خالد احمد بٹ،انتظامی کمیٹی کے تمام ممبران مبارکباد کے مستحق ہیں۔علاوہ ازیں فلسطینی مسلمانوں کی نسل کشی پر مسلم حکمرانوں کی بے حسی تاریخ میں رقم کر جائے گی۔ فلسطینی مسلمانوں کو اس وقت خوراک کے ساتھ ساتھ عسکری تعاون کی اشد ضرورت ہے۔ ان خیالات کا اظہار مجلس احرار اسلام پاکستان کے رہنما میاں محمد اویس نے گزشتہ روز مرکزی دفتر احرار لاہور سے جاری اپنے بیان میں کیا ۔ انہوں نے مسلم امہ سے مطالبہ کیا ہے کہ اسرئیلی مصنوعات کا بائیکاٹ کیا جائے ۔