قندھار سے خشک میوہ جات کی برآمدات 30 فیصد بڑھ گئی: فروٹ ایسوسی ایشن

کابل( نوائے قت رپورٹ) قندھار ڈرائی فروٹ ایسوسی ایشن کا کہنا ہے کہ قندھار سے خشک میوہ جات کی برآمدات میں 30 فیصد اضافہ ہوا ہے۔ ان کے مطابق ان میں سے زیادہ تر ڈرائی فروٹ بھارت، پاکستان، قازقستان، امارات، کینیڈا، جرمنی، امریکہ، جاپان اور انگلینڈ بھیجے گئے ہیں۔ علاوہ ازیں کابل پولیس کے ترجمان خالد زدران کا کہنا ہے کہ کابل میں ڈاکے کے الزام میں چھ افراد گرفتار ہوئے جنہوں نے دو تاجروں سے 7300000 افغانی ضبط کیے ہیں دوسری جانب وزارت داخلہ کے مطابق نیمروز، سرپل، روزگان، ہلمند اور پکتیکا کے صوبوں سے مختلف جرائم کے الزام میں 18 افراد گرفتار ہوئے ہیں ۔