لاہور (کامرس رپورٹر ) یونیورسٹی آف مینجمنٹ اینڈ ٹیکنالوجی میںبچوں کے عالمی دن پر(یو ایم ٹی) سکول آف میڈیا اینڈ کمیونیکیشن سٹڈیز،ایس ایس ڈی او‘ چائلڈ پروٹیکشن اینڈ ویلفیئر بیورو اور کیٹ واک کے باہمی اشتراک سے چائلڈ لیبر پر بنائی گئی پاکستانی فلم گنجل کی پری لانچنگ تقریب کا اہتمام کیا گیا۔ڈی جی یو ایم ٹی پروفیسر عابد شیروانی،ڈین سکول آف میڈیا اینڈ کمیونیکیشن ڈاکٹر انجم ضیا، اداکار احمد علی اکبر، ریشم،سید کوثر عباس، فیشن آرٹسٹ فریحہ الطاف، چیئر پرسن چائلڈ پروٹیکشن ا ینڈ ویلفیئر بیورو سارہ احمد‘ میڈیا، پولیس سمیت فلم کی کاسٹ نے شرکت کی۔ڈاکٹر انجم نے امید ظاہر کی کہ فلم گنجل چائلڈ لیبر اور چائلڈ ٹریفیکنگ جیسے سنگین مسائل حل کرنے میں کردار ادا کرے گی۔چیئر پرسن چائلڈ پروٹیکشن بیورو سارہ احمد نے کہابچوں کا عالمی دن منانے کا مقصد چائلڈ لیبر کی روک تھام ممکن بنانا ہے۔ ڈائریکٹر جنرل یو ایم ٹی پروفیسر عابد شیروانی نے کہا بچوں کے دیگر معاشرتی مسائل پر بھی فلمیں بننی چاہئیں تا کہ ان کا حل نکل سکے۔ یو ایم ٹی تمام بچوں کو حصول تعلیم ممکن بنانے کیلئے کروڑوں روپے کی سکالر شپس دے رہا ہے۔