لاہور(سپورٹس رپورٹر)آئی سی سی ون ڈے فائنل میں ناقص کارکردگی پر بھارتی فینز ٹیم پر برس پڑے۔ بھارتی میڈیا نے پچ کے بھی پول کھولنا شروع کردئیے اور کہا ہے کہ بڑے دل کا مظاہرہ کرکے باو¿نسنگ پچ بنانی چاہیے تھی لیکن جان بوجھ کرڈیڈ پچ بنا کر دفاعی اپروچ اپنائی گئی۔ مداحوں کی جانب سے کہا گیا کہ فائنل میں ٹیم کی فیلڈنگ بھی ناقص تھی۔ کوئی بال کے پیچھے گرتا ہی نہیں۔ بولنگ میں بھی دو تین اوورز کے بعد بھارتی بولرز کے کاندھے ہی گرگئے۔ ٹیم انڈیا نے 12 سال بعد ملنے والا موقع گنوا دیا۔ دوسری جانب بھارتی ٹیم کی شکست پر پاکستان کے سابق فاسٹ بولر شعیب اختر نے انڈین فینز کو دلاسا دیا اور کہا آپ کو اپنی ٹیم پر فخرہونا چاہیے۔