قطر کا فٹبال ایشیا کپ کی آمدنی فلسطینیوں کے نام کرنے کا اعلان

لاہور(سپورٹس رپورٹر) قطر نے فٹبال ایشیا کپ کی آمدنی فلسطینیوں کی امداد کےلئے دینے کا اعلان کردیا۔ رپورٹ کے مطابق قطر میں فٹبال ٹورنامنٹ کی آرگنائزیشن کمیٹی کے چیئرمین کا کہنا ہے کہ ہم نے فیصلہ کیا ہے کہ قطر میں ہونے والے ایشین فٹبال کپ میں ٹکٹ سے حاصل ہونے والی آمدنی فلسطین میں انتہائی ضروری امدادی سرگرمیوں کےلئے عطیہ کریں گے۔ انہوں نے کہا کہ ہمیں یقین ہے اس کارپوریٹ سماجی ذمہ داری کے اقدام سے سب سے زیادہ فائدہ فسلطینی متاثرین کو ہوگا۔ قطر فٹبال مشکل ترین وقت میں لوگوں کےلئے ایک معاون طریقہ کار کے طور پر اپنا کردار ادا کرتا ہے۔ واضح رہے کہ قطر میں فٹبال ایشیا کپ اگلے سال 12 جنوری سے 10 فروری تک منعقد ہوگا۔