لاہور(سپورٹس رپورٹر)پاکستان انڈر19کرکٹ ٹیم نے متحدہ عرب امارات میںجاری سہ ملکی سیریز کے میچ میں افغانستان انڈر19ٹیم کو 13رنز سے شکست دیدی ۔ پاکستان جونیئر ٹیم 49.4اوورز میں 244رنز بناکر آئوٹ ہوگئی ۔ عثمان خان 77‘شاہزیب خان 78رنز بناکر نمایاں رہے ۔ چھ کھلاڑی ڈبل فیگر میں بھی داخل نہ ہوسکے ۔ عبد العزیز خان اور خطیر خان ستانکزئی نے تین تین کھلاڑیوں کوآئوٹ کیا ۔ افغان جونیئر ٹیم46.4اوورز میں 231رنزپرآئوٹ ہوگئی ۔ عزیر اللہ خان نیازی 70‘فیصل شینو زادہ 47‘نصیر خان معروف خیل 47رنز بناکر نمایاں رہے ۔ علی رضا نے چار‘فہام الحق نے تین جبکہ عبد السبحان نے دو کھلاڑیوں کوآئوٹ کیا۔علی رضا کو میچ کا بہترین کھلاڑی قرار دیا گیا ۔ افغانستان اور متحدہ عرب امارات کے درمیان میچ24نومبر کو کھیلا جائیگا۔