لاہور(نامہ نگار) جوہر ٹاون، قائد اعظم انڈسٹریل اسٹیٹ اور چوکی فردوس مارکیٹ پولیس نے 2رکنی موٹر سائیکل چور گینگز کے 6ممبران کو حراست میں لے لیا۔ملزمان سے مجموعی طور پر10 چوری شدہ موٹر سائیکلیں، ناجائز اسلحہ اور نقدی برآمدکی گئی۔ گرفتار ملزمان میں احسان افتخار، عامر شہزاد،اشفاق، محمد وسیم، عمران اور گلزیب شامل ہیں۔سبزہ زارکے علاقے سے مختلف کارروائیوں کے دوران 3 منشیات فروشوں کو گرفتار کر لیا گیا ہے۔ملزمان سے مجموعی طور پر4 کلوگرام چرس برآمدکی گئی۔ملزمان میں عزت اللہ، جمیل عرف بلا اور ندیم شامل ہیں۔ ہڈیارہ پولیس نے منشیات فروش محسن کو گرفتار کر لیا۔ ملزم سے 2 کلو سے زائد چرس، ڈرون، ریموٹ اور الیکٹرک کنڈا برآمد کیا گیا۔ قلعہ گجر سنگھ پولیس نے قمار بازی میں ملوث 7 ملزمان کو گرفتار کر کے داؤ پر لگی رقم ٹکڑی رقم اور تاش کے پتے برآمد کئے گئے۔گرفتار ملزمان میں ملک انور، ارشد محمود،اویس، عثمان، احمد،فیصل اور فیاض شامل ہیں۔ڈولفن سکواڈنے مناواں کے علاقے میں کارروائی کے دوران 2 مشکوک ملزمان کو گرفتار کر کے ایک موٹر سائیکل، پستول،3موبائل اور نقدی برآمد کر لی گئی۔ گرفتار ملزمان میں قربان اور لئیق شامل ہیں۔