فیروزوالہ( نامہ نگار ) خان پور کے قریب ڈاکوپرکاش سے ڈیڑھ لاکھ روپے اور موبائل چھین کر لے گئے۔ ڈاکو وزیراعلی آفس کے ملازم زاہد رسول سے نقدی‘ موبائل ‘ جیکٹ چھین کر فرار ہو گئے۔  دن دیہاڑئے لیڈی ڈکیت نے دیگر ساتھیوں کی مدد سے بیرون ملک جانیوالے شہری اعظم علی کے گھر میں گھس کر اسکی اہلیہ کلثوم بی بی کو کمرے میں بند کر کے1 لاکھ 70 ہزار روپے نقدی، ساڑھے سات لاکھ روپے مالیت کے طلائی زیورات،  موبائل فون سمیت دیگر قیمتی اشیاء لوٹ لیں۔ ڈاکوؤں کی ساتھی خاتون نے12سالہ بچی کی بیماری اوررفع حاجت کیلئے واش روم استعمال کرنے کے بہانے گھر میں گھس کر اسلحہ کی نوک پر واردات کی اورفرار ہوگئے۔ جوئیاں والا موڑ کے قریب 3 ڈاکوؤں نے کیری ڈبہ سوار مبشر حسین سے70 ہزار روپے نقدی اور موبائل چھین لیا۔جاوید نگر میں نمکو بنانے والی فیکٹری  سے3  ڈاکو انعام اللہ وغیرہ سمیت درجن سے زائد مزدوروں کو ہینڈز اپ کروا کر1 لاکھ 40 ہزار نقدی 15 موبائل فونز موٹر سائیکل اور 45 سے زائد دیسی مرغیاں لیکر فرار ہو گئے۔ تھانہ فیروز والا1 میں 3 ڈاکو عبدالرحمان کے گھر سے پانچ تولہ طلائی زیورات اور ہزاروں روپے نقدی چھین کر فرار، علاقہ اقبال ٹاؤن کے قریب 3 ڈاکو دلاور سے 36 ہزار روپے نقدی اور موبائل محلہ رسول نگر کے رہائشی  معاذ سے 3 ڈاکو موٹر سائیکل، نقدی اور موبائل چھین کر فرار‘ ڈھامکے میں چوروں کے گروہ نے زمیندار غفور کے15لاکھ روپے مالیت کے چھترے حویلی سے لے کر فرار ہو گئے۔ دھنت پورہ کے قریب2 ڈاکو حبیب اللہ سے 1لاکھ32ہزارروپے رقم اور موبائل چھین کر فرار ہو گئے۔