فیروزوالہ:صنعتی یونٹس ورکرزکو فائر فائٹنگ کی عملی مشق،تحفظ اقدامات سے آگاہی

فیروزوالہ(نامہ نگار )ڈائریکٹر سول ڈیفنس پنجاب اورڈپٹی کمشنرشیخوپورہ کی ہدایت پر محکمہ سول ڈیفنس کے چیف انسٹریکٹر نے فیروزوالہ کے صنعتی یونٹس کے ورکرزکو فائر فائٹنگ کی عملی مشق کروائی اور انہیں ہنگامی حالات میں انسانی جانوں اور املاک کے تحفظ کے اقدامات سے آگاہ کیا جبکہ سول ڈیفنس کی خدمات کی اہمیت و افادیت اجاگر کرنے کے حوالے سے آگاہی ریلی بھی نکالی گئی۔ چیف انسٹریکٹر چوہدری محمد حنیف ورک نے کہا محکمہ سول ڈیفنس کی اہمیت تسلیم شدہ ہے یہ محکمہ زمانہ امن میں شہریوں کو شہری دفاع کی تربیت دینے سمیت ہنگامی حالات میں بھرپور کردار ادا کرنے کے قابل بناتا ہے۔