ننکانہ صاحب + موڑکھنڈا(نامہ نگاران) پولیس نے دو ڈکیت گینگز کے سرغنوں سمیت 8ملزمان کو گرفتار کر لیا ،ملزمان سے  8لاکھ روپے سے زائد کی نقدی 7 موٹر سائیکلیں اور اسلحہ برآمد ہوا۔ تفصیلات کے مطابق پولیس تھانہ بڑا گھر نے عاطف عرف عاطی ڈکیت گینگ کے گرفتار ملزمان سے دوران تفتیش رابری اور چوری سمیت 20 وارداتوں کا سراغ لگا  لیا ہے گرفتار ملزمان میں گینگ کا سرغنہ عاطف عرف عاطی، اورنگزیب عرف زیبی، فیصل، شاہ زیب اور منظور شامل ہیں۔ جبکہ پولیس تھانہ مانگٹانوالہ نے آصف عرف آصو ڈکیت گینگ کے ملزمان سے دوران تفتیش رابری کی 9 وارداتوں کا سراغ لگا لیا ہے ،گرفتار ملزمان میں ڈکیت گینگ کا سرغنہ آصف عرف آصو، افنان اور عرفان شامل ہیں۔