نارنگ منڈی( نمائندہ نوائے وقت) محکمہ زراعت توسیع نے نارنگ منڈی اور گردونواح میں گندم کی پیداوار بڑھانے کیلئے مہم کاآغاز کردیا ڈائریکٹر لاہور ڈویژن محکمہ زراعت توسیع ڈاکٹر شیرمحمد شراوت کی زیرنگرانی اسسٹنٹ ڈائریکٹر تحصیل مریدکے محمدعلیم سینئر زراعت آفیسر محمدفاروق ملک اور سینئر فیلڈ اسسٹنٹ مرکز نارنگ محمدتنویر نے واک کاانعقادکیاڈائریکٹر لاہور ڈویثرن محکمہ زراعت توسیع ڈاکٹر شیرمحمد شراوت نے میڈیا سے گفتگوکرتے کہا کہ کاشتکار گندم کی پیداوار بڑھانے کیلئے گندم کے نئے اور منظور شدہ بیج کاشت کریں بروقت کاشت سے پیداوار بڑھانے میں مدد ملے گی کاشت میں تاخیر سے پیداوار میں 30 فیصد کمی ہوتی ہے۔