گوجرانوالہ:بچوں کے عالمی دن پر ماڈل چلڈرن ہوم میں خصوصی تقریب

گوجرانوالہ(نمائندہ خصوصی)عالمی چلڈرن ڈے کے موقع پر ماڈل چلڈرن ہوم میں خصوصی تقریب کا انعقاد ہوا جس میں ایڈیشنل ڈپٹی کمشنر ریونیو شبیر حسین بٹ ،ڈویژنل ڈائریکٹر سوشل ویلفیئر ارشاد وحید،ڈپٹی ڈائریکٹر محمد نواز ،ڈپٹی ڈائریکٹر تعلقات عامہ منورحسین ،ڈسٹرکٹ انچارج ماڈل چلڈرن ہوم زیب النسا ادارے میں رہائش پذیر بچیوں اور سٹاف نے شرکت کی ۔تقریب میں بچیوں میں گفٹ تقسیم کئے گئے اور انکی حوصلہ افزائی کیلئے کیک بھی کاٹا گیا،ڈائریکٹر سوشل ویلفیئر ارشاد وحید اورڈسٹرکٹ انچارج ماڈل چلڈرن ہوم و دیگر نے بچوں کے عالمی دن کے حوالے سے اپنے خیالات کا اظہار کیا ، تقریب کا مقصد یونیورسل چلڈرن ڈے کے موقع پر عوام الناس میں بچوں کے تحفظ و حقوق کے حوالے سے شعور اجاگر کرنا تھا اس موقع پر ایڈیشنل ڈپٹی کمشنر ریونیو شبیر حسین بٹ ،ڈائریکٹر سوشل ویلفیئر اور ڈسٹرکٹ انچارج و دیگر مقررین کا کہنا تھا کہ بچے کسی بھی قوم کا مستقبل ہوتے ہیں۔