نوشہرہ ورکاں:وارداتوں میں شہری لاکھوں کے مال وزر سے محروم

نوشہرہ ورکاں (نامہ نگار) شہرکے گردو نواح میں دن دیہاڑے روڈ ڈکیتی کی دو وارداتوں موضع روکھے کے قریب دو مسلح افراد نے مٹو بھائیکے کے رہائشی ادریس اور اسکی بیوی سے نو لاکھ 40 ہزار کے طلائی زیورات نقدی اور قیمتی گھڑی چھین لی جب وہ سسرالی گھر موضع اوگند سے واپس مٹو بھائی کے جا رہے تھے دوسرے واقعہ میں تین مسلح افراد نے ساکن مسندہ ورکاں کے رہائشی احسان اللہ کے ملازم جنید سے موٹر سائیکل چھین لی جب وہ کڑیال کلاں سے مسندہ ورکاں کھانا لینے جا رہا تھا۔بدورتہ سے آئے ندیم قاسم کا تحصیل ہسپتال کے باہر احاطہ سے موٹر سائیکل چوری ہو گیا، موضع کولو والہ میں محمد ثاقب کی حویلی سے چور ایک لاکھ مالیت کے بطخ اور مرغے چرا کر فرار ہو گئے ،موضع روکھے کے عمران کا موبائل فون چوری کر لیا گیا۔ ڈوگراں والی ملیا میں شفقت نذیر کے زرعی زمین میں کمرے کا تالا توڑ کر چور دس ہارس پاور بجلی موٹر لے گئے۔ چک دونی چند کی رضیہ بی بی دوران سفر اپنی نقد رقم اور موبائل فون سے محروم ہو گئیں۔