جلد گوجرانوالہ کی بزنس کمیونٹی کو ایکسپو سنٹر کا تحفہ دیا جائیگا:رانا صدیق

گوجرانوالہ(نمائندہ خصوصی)گوجرانوالہ چیمبر آف کامرس کے صدر رانا محمد صدیق خاںکہتے ہیں بہت جلد گوجرانوالہ کی بزنس کمیونٹی کو ایکسپو سنٹر کا تحفہ دیا جائے گا، گوجرانوالہ ،سیالکوٹ اور گجرات جو کہ پاکستان کہ اہم صنعتی شہر ہیں اور تینوں شہروں کو گولڈن ٹرائینگل کی حیثیت بھی حاصل ہے ،تینوں چیمبر زایکسپو سنٹر کے قیام کیلئے ایک پیچ پر ہیں لاہور سیالکوٹ موٹروے پر ایکسپوسنٹر کے قیام کیلئے ٹھوس اقدامات کئے جا رہے ہیں ، وعدوں کی تکمیل تک موجودہ رجیم اور بزنس گروپ کی قیادت انتھک جدوجہد جاری رکھے گی ،ایکسپوسنٹر گوجرانوالہ بہت اہمیت کا حامل ہے تینوں چیمبرز کی باہمی مشاورت سے اس پراجیکٹ کیلئے ایسی جگہ کا انتخاب کیا جائے گا جس سے تینوں صنعتی شہروں کو برابری کی سطح پر فائدہ ہو،ان خیالات کا اظہار نے وفد کے ہمراہ لاہور سیالکوٹ موٹروے پر موجودسائٹ کا وزٹ کرنے کے دوران کی۔وفد میں اراکین مجلس عاملہ ،نائب صدر چوہدری محمد یوسف ،سابق صدر محمد عاصم انیس و دیگر ممبران شامل تھے۔