پیپلز پارٹی نے57واں یوم تاسیس لاڑکانہ میں منانے کا فیصلہ کیا ہے۔پاکستان پیپلز پارٹی 57ویں یوم تاسیس پر میونسپلاسٹیڈیم لاڑکانہ میں30نومبر کو منائے گی ، پیپلز پارٹی لاڑکانہ میں جلسہ عام کرے گی،چیئرمین پاکستان پیپلز پارٹی بلاول بھٹو زرداری بَیَک وَقْت ملک بھر سے وڈیو لنک کے ذریعے خطاب کرینگے ۔پیپلز پارٹی کاجلسہ عام شام چار بجے 4 بجے میونسپل سٹیڈیم لاڑکانہ میں ہو گا۔    دوسری جانب پیپلز پارٹی نےصوبائی دارلحکومت لاہور میں یوم تاسیس صلی پارک ،پانی والا تالاب، رنگ محل نزد شاہی قلعہ کے مقام پر منانے کا فیصلہ کیا ہے،پی پی لاہور ڈویژن کی موبلائزیشن کمیٹی کے نوید چودھری کی زیر صدارت اجلاس میں فیصلہ کیا گیا ، جنرل سیکرٹری پی پی وسطی پنجاب سید حسن مرتضی نے یوم تاسیس کی جگہ کی منظوری دیدی۔شرکاء نے یوم تاسیس کا پروگرام گورنر ہاوس،ایکسپو سنٹر جوہر ٹاون،ناصر باغ،لبرٹی چوک، بلاول پارک رائیونڈ روڈ،باب پاکستان،موچی گیٹ،ہمدرد چوک،پانی والا تالاب، میں رکھنے کی تجاویز دی تھیں۔