دہشتگردی کی یہ کارروائی عسکریت پسندی کے شکار جزیرے مینڈانومیں ہوئی جہاں مسلم اورماؤ علیحدگی پسند حکومت کے خلاف کارروائیوں میں مصروف ہیں۔ حکام کا کہنا ہے کہ بم دھماکہ ہونے کے بعد آٹھ افراد موقع پر ہی ہلاک ہوگئے جبکہ ایک شخص نے ہسپتال میں دم توڑا، بس میں پچاس کے قریب افراد سوار تھے۔ حکام کا کہنا ہے کہ ابھی تک کسی گروپ نے حملے کی ذمہ داری قبول نہیں کی۔ حملے میں خود ساختہ بم کا استعمال کیا گیا۔