اوکاڑہ + وہاڑی+ سرگودھا + سیالکوٹ (نامہ نگاران) مختلف وجوہات پر 6 افراد نے زندگی ختم کر لی۔ سرگودھا میں رشتہ کے تنازع پر نوجوان نے محبوبہ کو گولی مار کر زندگی ختم کر لی۔ سرگودھا کے نواحی علاقے نصیر پور کلاں میں نوجوان نے زہریلی گولیاں کھا کر زندگی کا خاتمہ کر لیا۔ اسے فوری طور پر ہسپتال لے جایا گیا مگر طبی امداد ملنے سے قبل ہی وہ زندگی کی بازی ہار گیا۔ اوکاڑہ میں گھریلو جھگڑوں سے تنگ نوجوان نے خود کو گولی مار کر زندگی کا خاتمہ کر لیا۔ شفقت بلاک اوکاڑہ کے عبدالطیف عرف بگو کے گھر میں اکثر لڑائی جھگڑا رہتا تھا۔ 20 سالہ بیٹے فیصل نے خود کو پسٹل سے فائر مار لیا جسے وہ وہ موقع پر ہی جاں بحق ہو گیا۔ وہاڑی میں پانچ بچوں کے باپ نے بیوی سے جھگڑا کر کے مبینہ طور پر زہریلی سپرے پی لیا۔نعش گھر پہنچنے پر کہرام مچ گیا۔ موضع مصطفی آباد کی بستی چاہ کیکروالا میں پانچ بچوں کے باپ خضر حیات زہریلی سپرے پی لی۔ سیالکوٹ میں تھانہ کوٹلی سید امیر کے علاقہ میں تین بچوں باپ نے خود کو گولی مارکر زندگی ختم کرلی۔
خودکشیاں