پاکستان اور آسٹریلیا کے درمیان پہلا ٹیسٹ کل شروع ہوگا

دبئی (اے پی پی) پاکستان اور آسٹریلیا کی کرکٹ ٹیموں کے درمیان دو ٹیسٹ میچز کی سیریز کا پہلا ٹیسٹ کل بدھ سے دبئی انٹرنیشنل کرکٹ سٹیڈیم میں شروع ہوگا۔ پاکستانی ٹیم مصباح الحق کی قیادت میں میدان میں اترے گی۔ دیگر کھلاڑیوں میں احمد شہزاد، اسد شفیق، اظہر علی، احسان عادل، حارث سہیل، عمران خان، محمد حفیظ، محمد طلحہ، راحت علی، سرفراز احمد، شان مسعود، توفیق عمر، یاسر شاہ، یونس خان اور ذوالفقار بابر شامل ہیں۔  سیریز کا دوسرا اور آخری ٹیسٹ 30 اکتوبر سے 3 نومبر تک شیخ زید سٹیڈیم، ابوظہبی میں کھیلا جائے گا۔