کراچی (اسپورٹس رپورٹر) پاکستان تھرو بال ایسوسی ایشن کے زیر اہتمام دو روزہ دوسرا عبدالستار ایدھی گرلز او لیول تھرو بال ٹورنامنٹ جنریشن اسکول میں شروع ہوا۔ ٹورنامنٹ میں شہر بھر سے32 اسکولوں کی ٹیمیں حصہ لے رہی ہیں۔ افتتاحی میچ میں سٹی اسکول ڈی کے نے کراچی کیمبرج اسکول کو2-0 سیٹ سے شکست دی۔ پہلے روز لیگ میچز کا اختتام ہوا۔ اس طرح حبیب گرلز‘ ماما پارسی‘ بحریہ کالج‘ سٹی اسکول نارتھ ناظم آباد‘ جنریشن اسکول‘ سٹی اسکول درخشاں‘ شاہ ولایت اسکول‘ سول ایوی ایشن اسکول‘ آئی ایس ایس اسکول‘ ڈوپاس سی وی‘ سٹی اسکول پی ای سی ایچ ایس‘ ماما پارسی ریڈ‘ ڈوپاس سی ویو وائٹس جنریشن اسکول وائٹس نے پری کوارٹر فائنل میں جگہ بنائی۔ کوارٹر فائنل‘ سیمی فائنل اور فائنل21 اکتوبر کو کھیلے جائیں گے۔ پاکستان تھرو بال فیڈریشن کے جنرل سیکریٹری مقبول آرائیں کے مطابق جنریشن اسکول کی پرنسپل نے ایونٹ کا افتتاح کیا۔