بھلوال (نامہ نگار) گورنمنٹ گرلز ہائی سکول بھلوال نے برٹش کونسل کا ISA ایوارڈ جیت لیا۔ سکول کی طالبات نے بین الاقوامی سطح پر مصر، بھارت اور بنگلہ دیش کے ساتھ مختلف نصابی اور ہم نصابی سرگرمیوںمیںحصہ لیتے ہوئے شاندار کارکردگی کا مظاہرہ کرتے ہوئے برٹش کونسل سے تصدیق شدہ انٹرنیشنل سکول ایوارڈ 2017ء اپنے نام کر لیا۔ جو پرنسپل مس فرزانہ امین کی قائدانہ صلاحیتوں اور جملہ سٹاف و طالبات کی انتھک محنت کا منہ بولتا ثبوت ہے۔ وزیراعلیٰ شہبازشریف اور سیکرٹری پنجاب نے ہونہار اساتذہ و طالبات کو مبارکباد پیش کی ہے ایوارڈ دینے کی تقریب عنقریب برٹش کونسل منعقد کریگی۔