شیخوپورہ(نمائندہ نوائے وقت)وزیر اعلیٰ پنجاب میاں محمد شہباز شریف کا نعرہ مار نہیں پیار کو ہوا میں اڑا دیا گیا ، کلاس روم کی صفائی نہ کرنے پر ٹیچر نے طالب علم کو مبینہ تشدد کا نشانہ بنا دیا۔ 9سالہ عادل ڈیرہ کھار والہ گورنمنٹ پرائمری سکول میں پانچویں جماعت کا طالب علم ہے ، رضوان نامی ٹیچر نے تھپڑوں اور ڈنڈوں سے تشدد کرکے شدید زخمی کردیا جس سے عادل بے ہوش ہوگیا طالب علم کا والد ہسپتال میں طبی امداد کے بعد میڈیکل حاصل کرکے زخمی بیٹے کو اٹھا کر چائلڈ سیفٹی سیل پہنچ گیا۔